સૌથી પહેલાં ચણા અને મેથી ને અલગ અલગ વાસણમાં લઈને પાણીથી ધોઈ તેને થોડું ગરમ પાણી કરી પલાળી લો.

સવારે પાણી કાઢીને કેરીના ખાટા પાણીમાં ૪ કલાક પલાળી રાખો.કેરીનું પાણી ના હોય તો,છાશમાં પલાળી રાખો.

૪ કલાક પછી ચાળણીમાં કાઢીને પાણી નિતારી લો.અને કપડાંમાં ફેલાવી પાણી સૂકવવા દો.

પાણી સૂકાઈ જાય એટલે,એક કડાઈમાં તેલ ગરમ કરી હીંગ નાખી ગેસ બંધ કરી ઢાંકી દો.
ઢાંકણ ખોલીને તેલ ઠંડુ થવા દો.

હવે,એક બાઉલમાં મેથીના કુરીયા,રાઈના કુરીયા,મીઠું,લાલ મરચું,કાચી કેરી ના નાના ટુકડા કરીને અથવા છીણી લઈ તેને તેલમાં નાખો.

બધું બરાબર હલાવીને ચણા-મેથી નાખી ફરીથી બરાબર મિક્સ કરો. ૧ દિવસ બાઉલમાં જ રહેવા દો.
બીજા દિવસે સાફકરેલી બરણીમાં ભરી લો.