اولا نضع الفرينه ونضيف لها الملح والزيت ثم نخلطها ثم نضيف لها الماء البارد بالتدريج ونلمها مليح ونحطها في الثلاجه لمده نصف ساعه باش ترتاح

في الوقت اللي تكون العجينه في الثلاجه ترتاح نجيبو زبده التوريق ونحطوها بين ورق الطهي ونحلوها مليح بالحلال باش تطرى وفي الاخير نشكلها على شكل مربع كما في الصوره

كيتفوت 30 دقيقه على العجينه نجبدها من الثلاجه ونحلوها على شكل مستطيل يكون بحجم مضاعف لحجم الزبده ونحط الزبده في نصف العجينه ونغلق بالنصف الثاني على الزبده ونغلق مليح في الاطراف باش ما تتحلناش

ثم نفتح العجينة كما في الصوره على شكل مستطيل ثم نطوي الجزء الاول في النصف ونزيد الجزء الثاني كذلك نطووه حتى يلحق للنص وزيدو اطووها على اثنين و نخلوها في الثلاجه ترتاح لمده 10 دقائق ونكرر هذه العمليه ثلاث مرات وبين كل مره ومره نخلوها ترتاح عشر دقائق في المجمد

ثم نقسم العجينه على اثنان ونفتح الجزء الاول ونحطو في صينيه تكون مدهونه شويه بالزيت ونتقبوه بالفرشيطه ونحط فوقو الحشو انا درت تشكشوكة بصل اوطماطم و الفرماج وانتم ديرو واش تحبو او نقسم العجينه و ندهنها بالبيض ونحطلها الزيتون وندخلها الفرن مسخن من قبل على 250 درجه لمده 10 دقائق ومن بعد نقص الفرن حتى 200 درجه وخلوها الطيب كذلك مده من الزمن حتى تحمر من تحت ثم نشعل من الاعلى وخلوها تحمر

شهية طيبة