في اناء نضع الحليب الرايب ونضيف عليه ملعقه كبيره سكر وملعقه كبيره ونصف خميره الخبز بيضه كامله نصف كاس زيت نخلط جيدا ثم نضع الملح حسب الرغبه و نجمع الخليط بالفرينه بصح منشحوش بزااف نخليه شويا طري

نتركه يرتاح ويتضاعف حجمه لمده ربع ساعه نجيب بلاطو لي يدخل الفرن ندهنوا جيدا بالزيت ونجيب العجين نحطه فوق البلاطو بلا ما نهبطلو الخمور نتاعو ونخبز الخبزه تاعي على شكل دائره نستعمل الزيت باش تسهلي العملية ونزيد نخليه يرتاح ويتضاعف الحجم نتاعو لمدة عشر دقائق نجيب صفار بيضه

نخلطو مليح ونضيف له ملعقتين كبيره قهوه نخلط جيدا ونجيب بانسو و ندهن الخبز نتاعي من الفوق بالصح بالعقل باش ما نهبطلهاش الخمور نتاعها نرش عليها القليل من الجلجلانيه وندخلها للفرن حتى طيب من التحت ونزيد نحمرها من الفوق ونقدمها

و بصحتكم هذا الكميه من المكونات دارتلي زوز خبزات كبار