نبدا اولا بتحضير الارز في كسرونة نحط الارز مع الماء وملح ونحطو يغلي على النار لكن مانخليهش يطيب تمام نصف طياب فقط ومن بعد نقطع خبات الجزر قطع صغيرة ونضيف عليها الجلبانة ونحطها في كسكاس ثم نصفي الارز من الماء تاعو ونضيفلو على الجلبانة والجزر ونحطو في الكسكاس يفور حتى يطيب الجزر والجلبان

بعد ماطابو راح يتضاعف حجم الارز نفرغو في صحن واسع ونضيفلو زيتون اخضر مقطع ونخلط جيدا ونخليه يبرد

فالاخير نجيب كمية الارز لي راح نحضرها للسلطة نضيفلها المايوناز ونخلط جيدا ونجيب صحن التقديم ومول قلب ونشكل فيه السلطة تاعي ونضيفلها جزر مبشور سلطة خضراء وخيار مقطع ونفرغ عليها الصلصة