प्रथम चणाडाळ व्यवस्थित धुवुन तीन ते चार तास भिजत ठेवा. नंतर सर्व साहित्य जमा करून घ्या.कोबी लांब आणि पातळ चिरून घ्या..आलं,मिरच्या, कोथिंबीर चिरुन घ्या.

आता कढईत तेल गरम करा तेल गरम झाले की त्यामध्ये हे जीरे मोहरी घाला. जीरे मोहरी तडतडल्यावर हिंग.मिरच्यांचे तुकडे.कढीपत्ता कोथिंबीर.आल्याचे तुकडे आणि हळद घालून खमंग फोडणी करून घ्या. नंतर यामध्ये भिजवलेली चणाडाळ निथळून व्यवस्थित मिक्स करा आणि छान पैकी लालसर होईपर्यंत परतून घ्या.आता यामध्ये कोबी घालून व्यवस्थित परता आणि भाजी मध्ये मीठ साखर घालून परत व्यवस्थित परतून घ्या. नंतर भाजीला चार ते पाच वाफा काढून भाजी चांगली शिजवून घ्या.