२ पॅकेट्स / २०० ग्राम Bourbon biscuit चे तुकडे करून कुटून भरड केली. मिक्सर ला लावूनही भरड करू शकता. १०० ग्राम अमूल unsalted बटर एका भांड्यात घेऊन गरम पाण्यात भांड ठेवलं, जेणेकरून बटर वितळेल. विळलेलं बटर बिस्किटांच्या भरड मध्ये मिक्स करून घेतलं.

ज्या भांड्यात चीजकेक करायचा असेल त्यात ट्रान्स्परन्ट शीट ठेवू बटर पेपर लावून घेतला. ट्रान्स्परन्ट शीट थोडी मोठीच ठेवायची म्हणजे भांड्यातून तयार केक बाहेर काढायला सोपं होतं. आता यात बटर ऍड केलेला बिस्कीट ची भरड घालून तळाला घट्ट दाबून ठेवायची. हा केक चा बेस तयार होईल. अर्ध्या एक तासासाठी हा बेस फ्रीज मध्ये ठेवून सेट करायचा, जेणेकरून तो घट्ट होईल.

आता केक च्या वरच्या लेयर साठी सर्व सामान रेडी करायचं.

एका भांड्यात १२० ग्राम क्रीमी चीज, १५० मिली अमूल फ्रेश क्रीम, २ चमचे कोको पावडर, २ ड्रॉप्स वॅनिला इसेन्स, २ चमचे पावडर शुगर / पिठीसाखर घालून चांगलं फेटून घ्यायचं. MM's / GEMS च्या गोळ्या टाकायच्या. फ्रीज मध्ये बेस सेट व्हायला ठेवलेलं केक च भांडं बाहेर काढून त्या बेस वर हे फेटलेलं क्रीमी चीज पसरायवाच. भांडं एक दोनदा आपटून (आपटल्यावर त्यातले हवेचे बुडबुडे मोकळे होतील), फ्रीजर ला केक सेट होण्यासाठी ३-४ तासांसाठी ठेवून द्यायचा.

किसलेले डार्क चॉकोलेट वरून भुरभुरवून Bourbon बिस्कीट - चॉकलेट फ्लेवर् - क्रिमी चीज केक सर्व्ह करायचा. चीज आणि क्रीम मुळे हा केक खूप हेवी होतो, एका वेळी एकच पीस खाऊ शकतो आपण. :)
~ सुप्रिया घुडे