आता गॅस वर तवा तापण्यासाठी ठेवावा. आता कणिक पुन्हा तेल लावून छान एकसारखी करून घेणे. त्यातील पोळी पेक्षा थोडा मोठा गोळा घेऊन त्याचीथोडी जाडसर पोळी लाटून घेणे.आता या पोळीला थोडे तूप सगळीकडे पसरून घेणे.

आता या वर चवीनुसार लाल तिखट, मीठ, चाटमसाला, ओवा सगळीकडे स्प्रेड करून घेणे व वरून थोडी बारीक चिरलेली कोथिंबीर पसरून घेणे. आता या मसल्यावर लाटणे फिरवून घेणे. म्हणजे मसाला छान पोळी मध्ये बसतो.आता याची एक बाजू दुमडावी. म्हणजे आर्धी बाजू होते. खाली फोटो प्रमाणे करावी. आता या वर ही थोडे से तूप स्प्रेड करून घेणे.

व पुन्हा ही आर्धी फोल्ड केलेली पोळी पुन्हा त्रिकोणी फोल्ड करून घेणे. व या त्रिकोणी पोळी वर थोडेसे कोरडे पीठ लावून सगळ्या बाजूने हा पराठा त्रिकोणी आकारात अलगद जाडसर लाटून घेणे.

आता तापलेल्या तव्यावर हा पराठा ठेवून दोनीही बाजूने साजूक तूप सोडून खमंग भाजून घेणे. भाजत असतानाच खूप छान याचे पदर सुटायला लागतात. खूप छान लेअर चा त्रिकोणी मसाला पराठा तयार होतो.

मस्त त्रिकोणी मसाला पराठा खाण्यासाठी तयार आहे. दही, रायता किंवा लोणचे सोबत सर्व्ह करू शकता.