نبدا اولا بتحضير العجين نجيب ريسبسيون نحط الحليب والماء يكونو دافيين نضيف عليهم السكر والخميرة ونصف كاس زيت والبيضة ونخلط ونبدا نضيف بالفرينة تديريجيا وم ك ملح ونخلط حتى الحصول على عجينة

بعد ماتحصلنا على عجينة طرية نخليها تختمر حوالي ساعة بعد ذلك نجيب كاس عسل ونقوم بتخفيفه بحوالي كاس ماء ونخليه على جنب

بعد اختمر الخبز تاعي نجيبو نهبطل. الخمور ونقسم العجينة الي نصفين ثم الي اربعة وهكا الى 8ثم نشكلهم كويرات حسب الرغبة

بعد ذلك كل كرة نشكلها حربوش طويل ثم نبدا بلوي الحربوش الي نصفين ونشكلو كما فالصورة حتى نكمل كامل الحبات

الخطوة التالية نبدا بغطس حبات الخبز فالعسل ثم نقطرها مليح من العسل ونرمدها فللجلجلان الابيض ونرفدها ونحطها فوق ورق الطهي في سينية

بعد مااكملت كامل حبات الخبز ندخلهم الفرن يطيبو من تحت ثم نشعللهم من فوق يتحمرو مليح

فالاخير نتخصل على اجمل واخف خبز سميث تركي يقدم مع الحليب او القهوة والشاي