نجيب هذاك قصبر و نعناع و بسبس و نغسلهم و نقطعهم إلى قطع صغيرة و نجيب اشوار ندير فيها كمية من قصبر و نعناع و بسباس و حبة طماطم و نصف حبة بصل و ثوم و نقسمها إلى قسمين باش نرحيهم فاشوار و نجيب جفنة ندير سميد و نصف ملعقة خميرة خبز و ربع ملعقة صغيرة سكر و ملح و كاس زيتون و نخلط كل مع بعض حتى يتبسو و نجيب هذك خليط تع حشاوش لي رحيتهم و نكمل نخلط لكل مع بعض و نجيب الماء و نبدا نلايم فيها حتى تولي عجينا و نخليها ترتاح 5 دقايق و نجيب طاجين و نخليه يسخن و نقسمها إلى 3 كويرات و نبدا نحل فيها على شكل دائري

و نحطها طاجين و نطيبها على جهتين حتى يدي لون ذهبيت