قاطو القوفريط او كوكاو وشوكولاطة
قاطو محبوب عند عايلتي متوفر فكل مناسبة فالبيت بمقادير جد اقتصادية
قاطو القوفريط او كوكاو وشوكولاطة
قاطو محبوب عند عايلتي متوفر فكل مناسبة فالبيت بمقادير جد اقتصادية
إفتح في تطبيق كوكبادالخطوات
- 1
أولا حضري مكونات نتاعك وشعلي الفرن يسخن
- 2
جيبي مارغين تكون بحرارة الغرفة قطعيها مكعبات باه تسهل عليك الخدمة وخلطي بيدك حتى تولي قوام كريمي ضيفي حبات الفرماج ورشة الملح وخلطي كل مع بعض حتى يمتازجو باليد ماتحتاجيش باتور اخدمي عادي
- 3
فالاخير ضيفي الفرينة بشوية حتى تتحصلي على عجينة متماسكة ماتكونش يابسة ومتكونش طرية بزاف المهم تحسيها تلمت فيدك توقفي بالنسبة للفرينة منقدرش نعبر شحال لأنه كل وحدة وفرينة لي تستعملها كاين لي تنشف بلخف كاين لي لا
- 4
بعدها جيبي شوية مربى فصحن ومغرف صغيرة احكمي شوية عجين فيدك قيس كرية ابسطيها شوي فكف يدك وحطي خط تاع مربى بالمغرف.ديري خط فقط غي شوية باه مايخرجش مربى من عجينة ويحرق حبة القاطو كي طيب بعدها اغلقي حبة وشكلي حربوش على شكل هلال كيما تشاراك وحطي فسينوة
- 5
كملاحظة : تقدري كي تولي تشكلي الحربوش وتغلقي على مربى فالعجين تقدري تضيفي رشة فرينة فيدك تسهل عليك العملية اذا كانت عجينة مخصوصة فرينة.
- 6
بعد ما تكملي الحبات حطيهم فسينوة مرشوشة بالفرينة او ورق الطهي كيما تحبي ودخليهم الفرن تكوني منقصتلو بعد ما يسخن وتخليه يطيب قيس 20 دقيقة حتى ينشف وياخذ اللون الذهبي
- 7
بعد مايطيب حطي قاطو يبرد تماما على جهة. كي يبرد جيبي صحن حطي مربى نتاعك اذا كان ثقيل بزاف تقدري تضيفي نص فنجان ماء الزهر وخلطي. او تخدمي بالعسل. للتزيين اختياري احكمي حبة القاطو تاعك غمسيها فالمربى او بالبانسو اطليها ورمديها فالقوفريط ذوق فانيلا أو فراز لي تحبي 😋
- 8
او تقدري تحكمي حبة القاطو تغمسيها فشوكولا نص الحبة وتخليها تنشف مبعد تغمسي جزء ثاني فكوكاو محمص ومطحون. التزيين اختياري انتي وذوقك 😍
- 9
فالاخير نقلك شهية طيبة وان شاء الله تجربوه وتستفادو منو لأنه قاطو جد اقتصادي وبنة روعة خاصة راه ناقص حلاوة الاغلبية مايحبوش سكر بزاف وشكرا 😍😍😘😘
كلمات ذات صلة
وصفات مشابهة
وصفات ننصحك بمشاهدتها
التعليقات