🍕العجينة : في إناء نضع الماء و الخميرة و السكر ونخلطو منبعد نزيدو حبة البيض, و نزيدو الفرينة و الملح حتى نتحصلو على عجينة طرية نغطوها و نخلوها تريح حوالي نصف ساعة

🍕 الحشو : انا درت في مقلاة زيت يسخن حطيت بصل مبشور + لحم مرحي + ملح + حرور + قرفة + زنجبيل + ثوم + معدنوس و خليهم يتقلاو

🍕 صلصة الطماطم : في مقلاة ندير زيت يسخن ندير طماطم مبشورة مع ثوم نخلوها تنقلى منبعد نزيدو طماطم مصبرة و شوية سكر (علاجال الحموضية تاع الطماطم) خلوهم يتقلاو ومنبعد نزيدو شوية ماء كمون و كروية حرور رند زعيترة و نخلوها حتى تنشف

بعد ما تختمر العجينة نحلوها و نقطعوها دوائر نديرو صلصة طماطم ثم الفرماج ثم اللحم ثم الفرماج المرحي و ندخلوها الفرن لي نكونو سخناه من قبل نطيبوهم متحت ثم نشعلولها مالفوق

هاذي هي النتيجة ان شاء الله تنال اعجابكم 😍