أولا تبدا حط السميد مع الملح والفانيلا والفرينة ونحط كيلة السمن ناقصة إصبع تكملها زيت تكون السمنة ذايبة وباردة ونبسسهم مليح اي ندخلهم مع بعض حتى يطلق العجين ماؤه عندما نعمل كرة ونسقطها ماتنحلش ونغطيها على الأقل ساعة يتشرب

من جهة نكونو منقيين الغرس ونرحيوه ونكهوه بالقرفة والقرنفل وماء الزهر وملعقة سمنة نعجنو مليح

نرجع العجينة ونزيدلها الماء مع ماء الزهر ونحاول مانعجنها فقط باطراف الاصابع نجمعها حتى نتحصل على عجينة طرية وماسكة نخدم حربوش نعمل حفرة فالنصف ونضع الغرس ونغلق جيدا ونحاول نشويه من الاطراف ثم نفسو مقروضات متساوية نوعا ما ونحط زيت غزير على نار متوسطة ونقلوه ننزع من الزيت نضعه فالعسل نحفف بماء الزهر اذا حبيتي وحطيه يقطر وبالصخة والعافية واعتذر عن صور المراحل تمسحو من الهاتف