સૌપ્રથમ ચોળી ને ધોઈને લૂછી નાખો. પછી તેને સમારી લો. જો ચોળી થોડી દાણાવાળી હોય તો તેના દાણા કાઢવા.

કડાઈમાં તેલ ગરમ કરવા મુકો. તેલ ગરમ થાય એટલે તેમાં રાઈ, જીરું અને હિંગનો વઘાર કરો. પછી તેમાં આદુ મરચાની પેસ્ટ ને સાંતળી લો. હવે તેમાં હળદર એડ કરો. પછી સમારેલી ચોળી અને સ્વાદ મુજબ મીઠું એડ કરી બરાબર હલાવી તેની પર ઢાંકણ ઢાંકી દો. શાકને ધીમા ગેસ પર કુક થવા દો.

શાકને વચ્ચે વચ્ચે ઢાંકણ ખોલીને હલાવતા રહેવું તેથી શાક ચોંટી ના જાય. આ શાકમાં બિલકુલ પાણી એડ કરવાનું નથી તેલમાં ચડવા દેવાનું છે.

ચોળી નું શાક બરાબર કુક થઈ જાય પછી તેમાં ધાણા જીરું, લાલ મરચું અને ગોળ એડ કરી બરાબર હલાવીને પાંચ મિનિટ કુક થવા દો.

લીલી ચોળી નું શાક રેડી છે. તેને રોટલી, દાળ અને ભાત સાથે સર્વ કરો.