بعد ماترتاح معانا العجينة نشكل كريات متوسطة الحجم نحطوها فسنيوة و نديرولها زيت ملفوق ونخلوها ترتاح حوالي عشر دقائق و نحلوها كما هو مبين في الصورة 👇على قصعة او وعاء يكون عريض لمهم

شكلي لمسمن تاعك و ديريلو زيت في كل طية لاكن ماتكثريش باش مايجيش يابس و حليها بهاذا شكل 👇

و طيبيها على نار متوسطة و بقاي تقلبي فيها كل ماطيب و ديريلها زيت و ماتكثريش اختي الغالية 👇لحين ماتشوفي لمسمن تاعك بدا يتنفخ عرفي بلي نجح معاك عسليه و حطيه مع لقهوة 😋