ندهنو التريدة بمغرفة كبيرة زيت + ملح حتى نشمخوها كامل بالزيت يدخللها و كي تنشف نحطوها تفور في كسكاس نصف ساعة

نحضرو الصلصة نقليو الدجاج مليح فالبصل و الزيت و السمن حتى يتحمر شوية و يدخلو الطياب و يذبال كلش + ملح و التوابل كلها و الثوم

نزيدو الحميصة و الطماطم حب و المصبرة و نخليوهم يذبالو موراها نمرقو بالماء سخون و نخلوها طيب على نار هادئة بصح مالازمش تنشف بزاف

كي تفور التريدة نحطوها في قصعة و نشمخوها بماء بارد بصح مانكثروش بزاف بسك التريدة ماتشربش الماء بزاف كي تنشف نردوها تفور نص ساعة

كي تفور المرة الثانية نشمخوها بغراف من الصلصة لي تكون طابت و كي تنشف تاني نردوها للكسكاس تفور للمرة الثالثة نصف ساعة وحدوخرا

كي تفور و تكون طابت خلاص نديروها فالقدرة تاع الصلصة تتجمر شوية على نار هادئة و نقدموها في طبق التقديم و شهية طيبة