كيكة عيد ميلاد درتها لبنتي ربي يحفظها ❤❤❤❤🌹🌹🌹🌹🎂🎂🎂🎂
كيكة لي درتها متكون من 3طبقات ومشربا
كيكة عيد ميلاد درتها لبنتي ربي يحفظها ❤❤❤❤🌹🌹🌹🌹🎂🎂🎂🎂
كيكة لي درتها متكون من 3طبقات ومشربا
إفتح في تطبيق كوكبادالخطوات
- 1
نخلط المكونات السائلة مع سكر بالفوي مليح والبيض حتى يدوب سكر
- 2
نبدا ندير فرينة تدريجياً تكون مغربلة مع خميرة الحلوى
- 3
نضيف كاكاو وفاني حتى يتخلط الخليط مليح
- 4
نقصم الخليط على 3 غرفيات متساوين
- 5
نبدا نطيب بالوحدة على درجة الحرارة 180 مدة 20 دقيقة لكل وحدة
- 6
نتأكد بلي طابت مين ندخل الموس ويخرج ناشف
- 7
نوجد سيرو ندير كاس سكر مع نص كاس ماء يغلي على نار قليلة مدة 20دقيقة
- 8
مين طيب كيكة نخليها تبرد مليح انا وجدتها فليل وفصباح باش بديت مونتاج
- 9
نبدا نشرب بالوحدة يكون سيرو بارد وكيكة باردة
- 10
نشرب كيكة الاولى وندير شونتي تكوني مطلعتها مع ماء بارد من مجمد ولا حليب
- 11
انا نطلعها دايمن بالماء تجي خفيفة انا هنا ستعملت 3كسان ماء بارد مع 3كسان شونتي وكاكاو بني انا كاكاو ندير حتى نتحصل على لون لي نكون باغياته
- 12
ندير طبقة الاولى ونشربها وندي شونتي نهود بيدي مليح ونزيد طبقة 2ونفس الشي نشربها وندير شونتي
- 13
ونكمل الاخيرة نشربها نطليها من برا بالشونتي مليح وندخلها للمجمد تبرد مليح مدة نصف ساعة ونزيدلها طبقة ودخرا
- 14
جبت شوكولا نوار دوبتها في حمام مائي وفرغتها فوق كيكة ودخلتها زادت بردة نصف ساعة وكملت شبحتها
- 15
بلابوش درت وردات وكتبت فيها واش حبيت وزدت درتها فالفريجدار تبرد
- 16
منقولكمش خرجت تهبل نتمنا تعجبكم بنتي فرحت بيها 😘😘😘😘🎂🎂🎂🎂
جرّبت هذه الوصفة؟ شارك كوكسناب!
دع الطبّاخ Nesserine la roze يرى نتيجة تجربتك لوصفته.
لا شيء يعبّر عن الشكر لصاحب الوصفة أكثر من صورة تجربتك!
جرّب أحد الطبّاخين وصفتك وأرسل لك صورة الطبق كوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات (3)