إفتح في تطبيق كوكبادالخطوات
- 1
نبداو بالحشو نخلط سكر مع الكوكاو والفاني و سمن و من بعد نرش الكوكاو و نخلط باصابع اليد
- 2
من بعد نروحو للعجينة نخلط الفرينة مع السمن ذايب و بارد و نبسس مليح الفرينة مع سمن و انا نبغي نفوتها في سيار ومن بعد نضيف الحليب غبرة و قرصة الملح والفاني ونلم ونزيد حبة بيض نحلها في المازهر و من بعد نكمل نلم العجينة
- 3
كي نلم العجينة نعجنها شوية و نخليها تريح على الاقل ساعتين
- 4
كي تريح العجينة نبدأ نحلوها نقسم العجينة الى ستة كويرات و من بعد نبدأ نفنح في المشينة نحل فرقم 1 و نحط العجينة و ندير عليها الميزينة و كل مرة نفتح العجينة نرش المايزينة ونحط حتى نكمل حتى ستة
- 5
ومن بعد نحلهم في رقم 3 و ثان كي نحل نحطها و نرش عليها الميزينة و نحط لي نفتها و نزيد المايزينة و نكمل هاك
- 6
و من بعد نحلوها في رقم خمسة و لهنا كي نحلها تخرج طويلا نطويها على 2 و نحط بينهم المايزينة و نكمل هاك و من بعد كي نكمل نرش المايزينة و نحلها بالحلال سمك اقل من واحد سنتمتر و نقسم العجينة على حساب مقاسات البلا لي نطيبو فيه
- 7
نحط الطبقة الاولى وندير الحشو ومن بعد نحط الطبقة الثانية و نقطعها الى مقروطات ولا مربعات و ندير لوز ولا كاوكاو (فول سوداني) والدكور اختياري
- 8
نسخن الفرن و نديرها طيب و نشعل من تحت ونقص الفرن و كي تحمر الجوانب و كي تتكمش العجينة هنا تكون طابت نشعل من الفوق كي تحمر نطفي و نعسلها و نخليها تبات و نقطعها و نديرها في الكيسات
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات