بقلاوة بدون آلة وصفة ناجحة ومضمونة 💯
وصفة بطريقة بسيطة تسهل عليكم العمل بالاضافة الى انها مضمونة و ملائمة لجميع مناسباتكم و افراحكم الطريقة المعتمدة بالنسبة لي ❤🥰😋
بقلاوة بدون آلة وصفة ناجحة ومضمونة 💯
وصفة بطريقة بسيطة تسهل عليكم العمل بالاضافة الى انها مضمونة و ملائمة لجميع مناسباتكم و افراحكم الطريقة المعتمدة بالنسبة لي ❤🥰😋
إفتح في تطبيق كوكبادالخطوات
- 1
نبسس الفرينة بالزيت والسمن ثم نضيف البيض ثم نضيف الملح وفي الاخير نضيف ماء الزهر حسب الحاجة و نلمو العجينة مليح وتكون طرية شوية ندلكوها 3 دقيقة ونقسموها 13 كويرة ونغطوها بكيس بلاستيكي و نخلوها ترتاح على الاقل لمدة 2 ساعة ومن الاحسن ليلة كاملة
- 2
نحضر الحشو ونخليه يرتاح وبعدما ما تكون ارتاحت العجينة نبداو نحلو كويرة و نحطوها بجنب نرشوها بالمايزينة ونحلو الثانية ونحطوها فوقها ونرشوها بالمايزينة الى غاية السادسة منبعد نحلهم كامل مع بعض بنفس حجم الصينية ندهنها بسمن مذوب ونحط فوقها العجينة و نطلعها بالاصابع على الجوانب
- 3
نحطو فوقها الحشو ويكون بنفس السمك على طول الصينية ثم نقوم بتشكيل العجينة الثانية بنفس الطريقة نحلو ونرشو بالمايزينة ونزيدو الطبقة الثانية والثالثة و لرابعة و الخامسة نتوقفو نحلو السادسة و نحطو مباشرة دون رش المايزينة و نحلوها بحجم الصينية و نحطوها فوق الحشو و نضغطو عليها قليلا و خاصة من الجوانب
- 4
نقطعوها بالسكين حتى للتحت و يفضل الاستعانة بالمسطرة او طابع المقروط باش يجو كامل متساويين في الحجم و نزينها بالكويرة المتبقية نشكل وردات او صدفات... حسب الذوق
- 5
نعمروها بالسمن الذايب و نتاكد ان كامل الجوانب وصلهم و من فوق تكون كامل مدهونة بالسمن وندخلوها الفرن مسخن من قبل نطيبوها من تحت حتى تحمر و تاخذ اللون الذهبي و نلاحظو تقلصت يعني ظهر فراغ بين البقلاوة و حواف الصينية نشعلها من فوق و نعطيها تحميرة لي نحبها و من الافضل ذهبي نخرجها و نضيفلها العسل و هي سخونة و لازم يوصل لكامل الجوانب منفرغوهش في مكان واحد و نغطوها نخلوها تبات ليلة في عسلها
- 6
غدوة من ذاك نقطعوها كيما اي مثل نقدرو نزينوها بملمع او عقاش صغير فضي (الزيرو) و نقدموها
- 7
نتمنى من اعماق قلبي انها تعجبكم الوصفة و تنجحو فيها ❤😘🥰
Keywords
وصفات مشابهة
وصفات ننصحك بمشاهدتها
التعليقات