पराठे साठी :
४ वाटी गव्हाचं पीठ मध्ये ३ चमचे मीठ (किंवा चवीनुसार), २ चमचे पांढरे तीळ, २ चमचे ओवा, ३ चमचे लाल तिखट मसाला, १ चमचा गरम मसाला,
१ चमचा गोडा मसाला, १ चमचा आमचूर पावडर घालून आवश्यकतेनुसार पाणी थोडं थोडं घालत पीठ मळून घ्यायचं. २-३ चमचे तेल घालून पीठ तिंबून घ्यायचं. व्यवस्थित मळलेलं पीठ अर्धा तास झाकून ठेवायचं.

सारणासाठी :
१ जुडी मेथी बारीक चिरून घ्यायची. १०० ग्राम पनीर हाताने मॅश करून घ्यायचं. २ चीज क्युब्स किसणीवर किसून घ्यायचे. ५-१० पाने पुदिना आणि पाव वाटी कोथिंबीर बारीक चिरून घ्यायची.

सर्व एकत्र करून त्यात 2 चमचे पांढरे तीळ, १ चमचे लाल तिखट मसाला, १ चमचा गरम मसाला, १ चमचा गोडा मसाला, १ चमचा आमचूर पावडर, मीठ चवीनुसार घालून सारणासाठी एकजीव करत गोळा करून घ्यायचा. पाणी शिंपडायची गरज नसते, मेथीला तसंही पाणी सुटतं.

पिठाचा थोडा मोठा गोळा घेऊन त्याची पारी बनवायची. त्यात एक चमचा सारण घालायचे. गोळा व्यवस्थित बंद करून सुकं पीठ लावून लाटून घ्यायचे.
लाटलेला पराठा तव्यावर दोन्ही बाजूने शेकवून घ्यायचा. व्यवस्थित शेकलेल्या पराठ्याला तव्यावरच दोन्ही बाजूने table spread किंवा butter लावून घ्यायचं. खमंग सुगंध सुटला कि पराठा तव्यावरून डिश मध्ये काढून घ्यायचा. गरमागरम पराठा लोणचं / दही / सॉस सोबत खायला तयार. :)
~ सुप्रिया घुडे