نغسل الحوت مليح ونقيه ونفتحو بالموس كيما اي مثل في الصورة ونعصر عليه حبة قارص (ليمون) وزوج سنينات ثوم ونخليهم يتشربو التتبيلة ربع ساعة ومنبعدها نقشر البطاطا ونقطعها دوائر ونحطها في البلاطو

نجيب صحن ونخط فيه شوية زيت للقلي ونصف حبة قارص (ليمون) ونرحي الثوم فيها والنعناع والفلفل الاسود والملح والخردل والطماطم وريشة نعناع ونخلطهم مليح ونجيب الحوت وندهن بيهم الحوت مليح وفي كل تقطيعة نحط الحشوة والثوم ونصف حبة قارص

ومنبعد نحطهم في البلاط فوق البطاطا ونحط الدبشة والفلفل الحار ووريقات الرند ونغطيهم بسيلوفان ونحطهم في الفرن حتى يطيبو، نجبدها ونقدمها وشهيتكم في الجنة حباباتي