نخلط الحمص والماء والملح والزيت بارد في بارد ونحطها على نار هادية ونخلط حتى يثقل شوية، نضيف الحليب ونكمل نخلط حتى تثقل. نطفي عليها ونضيف الكمون والفرماج ونحطها في الصينية وندخلها لفرن مسخن من قبل على نار قوية شوية

نحط في مقلاة طماطم مسكرفجة (مفرومة) والزيت وطماطم مصبرة والملح ونخليها تتغلى شوية ونضيفلها ورقة رند (غار) ونمرق بحوالي كاس ونصف ماء ونخليها تغلي حوالي من 10 دقيقة الى 15 دقيقة حتى تعقد نضيفلها الهريسة والتونة

بعدما يطيب الحمص ويدير قشرة من فوق نخرجوه ونضيفلو الصلصة من فوق ونضغط شوية على الحمص حتى تدخل الصلصة شوية ونردها الفرن ونخلوها طيب حتى تتشكل بقع من فوق كيما اي مثل موضح بالصورة ونخرجها وشهية طيبة

نتمنى انها تعجبكم الوصفة وتجربوها وتنجحو فيها تجي بزاف بنينة 😋😋😋😋