نبدا اولا بسم الله ونحضر المكونات نجيب صحن زجاجي نحط فيه البيض ورشة ملح ونخلط بالخلاط الكهربايئ ونضيف السكر ونخلط حتى يبياض الخليط ثم نضيف الزيت تدريجيا ونواصل الخلط ونحط الحليب ونكمل نخلط ثم نحط عطر الكرميل انا حطيت ساشي كرميل لي نلقاوها في فلان رابحة ونخلط حتى يتغير لون الخليط ونحط الفانيلا

بعد ذلك نبدا نضيف الفرينة بعد ماغربلتها ونحط الخميرة والبيكربونات ونخلط بالسباتيلا حتى نتحصل على عجينة طرية نوعا ما نجيب كيس حلواني ونحط فيه لادوي ونفرغ الخليط فيه

نجيب سينيات تدخل الفرن ونفرشهم بورق الطهي ونبدا نشكل حبات البتي فور تاعي حتى نكمل كامل العجينة وندخلها الفرت تطيب ثم نخرجها ونخليها تبرد تماما

فالاخير نجيب اي نوع من المعجون ونلصق بيه حبات البيتي فور ونزينو بخطوط شكولا اذا توفرت ونقدمو مع فطور الصباح او مع الشاي