सर्वप्रथम सुकट स्वच्छ करून ५-१० मिनिट भिजत ठेवा. सुकट भिजत आहे तोपर्यंत कांद्याची पात बारीक चिरून घ्या.

गॅसवर कढई ठेवून त्यामध्ये तेल टाका. तेल गरम झाले की त्यात बारीक चिरलेला कांदा ब्राऊन होईपर्यंत परतून घ्या. कांदा ब्राऊन झाला की त्यात ठेचलेला लसूण टाका.लसूण २-३ मिनिट परतून झाला की गॅस मंद आचेवर ठेवून त्यात हळद, लाल मिरची पावडर व मीठ टाकून पुन्हा एकदा चांगले परतून घ्या.

मसाला परतून झाला की त्यामध्ये भिजत ठेवलेले सुकट पिळुन घ्या व कढईत टाकून पुन्हा एकदा चांगलं परतून घ्या व ५-६ मिनिटे वाफवून घ्या. वाफ आली की त्यामध्ये कांद्याची पात टाकून चांगलं परतून घ्या व १/२ कप पाणी घालून ५-१० मिनिटे शिजवून घ्या.

गरम गरम कांद्याच्या पातीचे सुकट भाकरी किंवा पोळी सोबत सर्व्ह करा.