प्रथम पनीर मध्ये सर्व मसाले, मीठ आणि दही घालून मिसळून घ्या... हे साधारण अर्धा तास मॅरीनेट होण्यासाठी ठेवा...

कढईमध्ये तेल गरम करून त्यात मॅरिनेट केलेले पनीर घाला... दह्याचं पाणी आटल्या नंतर आणि पनीर ला तेल सुटल्यानंतर गॅस बंद करा... हे फ्राय केलेले पनीर एका दुसऱ्या भांड्यात काढून घ्या...

एक कांदा लांब चिरून घ्यायचा आहे व दुसरा कांदा बारीक चौकोनी कापायचा आहे... पनीर तळलेल्या तेलामध्ये लांब चिरलेली मिरची आणि चौकोनी चिरलेला कांदा घालून फ्राय करा... कांदा सॉफ्ट झाला की आलं-लसणाची पेस्ट आणि टोमॅटो घाला... मी आलं लसुण टोमॅटो जोडीलाच वाटला आहे...

मग त्यात उरलेलं लाल तिखट, गरम मसाला आणि मीठ घालून टोमॅटोचा कच्चेपणा जाईपर्यंत शिजवून घ्या... मीठ घालताना आपण पनीर मध्ये सुद्धा मीठ घातलं आहे हे लक्षात ठेवावे...

मग त्यामध्ये आधी फ्राय केलेले पनीर टाकून मिसळून घ्या... गॅस ची फ्लेम बंद करून मग त्यात लांब चिरलेला कांदा घालून मिसळून घ्या...

वापरण्यापूर्वी रॅप तव्यावर पुन्हा एकदा तेल लावून गरम करून घ्या... मग त्यावर आवड त्याप्रमाणात टोमॅटो केचप आणि मायोनिज घाला... आपल्या आवडीनुसार सॉस बदलू शकता...

मग त्यावर लेट्युस, काकडी आणि पनीर स्टफिंग घालून रोल करून घ्या... आवडत असेल तर वरून चाट मसाला भुरभुरावा... कांदा आपण पनीर शिजल्यानंतर घातला आहे... तरीही आवडत असेल तर इथे कांदा घालू शकता...