સૌપ્રથમ બ્રાઉન રાઈસ ને 30 મિનિટ માટે પાણીમાં પલાળી રાખવા. પછી તેને કુકરમાં મીઠું નાખીને બાફી લેવા. અને બીજા ઘટકો ની તૈયારી કરી લેવી.

પનીર ના પીસ ને ઓલિવ ઓઈલમાં બંને સાઇડ શેકી લેવા પછી તેના ઉપર મરી અને ચાટ મસાલો પાઉડર ભભરાવી લેવો.

હવે કડાઈમાં ઓલિવ ઓઈલ ગરમ કરી તેમાં લસણ અને મરચાની નાખીને સાંતળો. પછી તેમાં કાંદા સાંતળવા.

પછી તેમાં ગાજર ફણસી ઉમેરી ને સાંતળવા. પછી તેમાં બ્રોકલી, કેપ્સીકમ કોબીજ અને વટાણા ઉમેરીને સાંતળો.

પછી તેમાં મીઠું,ચાટ મસાલો અને મરી પાઉડર ઉમેરો અને પછી તેમાં બ્રાઉન રાઈસ અને પનીર ઉમેરી બરોબર મિક્સ કરી લો. છેલ્લે ગેસ બંધ કરી કોથમીર ઉમેરી મિક્સ કરી લેવું.