तांदूळ धुवून एक तास भिजवून व बारीक वाटून घ्यावे.

एका पातेल्यात पाणी गरम करायला ठेवावे त्यात चमचाभर तुप टाकावे. तुप विरघळल्यावर त्यात बारीक केलेले तांदूळ घालावे.

तांदूळ घातल्यावर पाणी सारखे हलवावे म्हणजे तांदूळ शिजत आल्यावर गोळे होणार नाही व खाली लागणार ही नाही. तांदूळ पेस्ट शिजल्यावर त्यात दूध घालून हलवून घ्या.

एक उकळी आल्यावर त्यात तुप घालावे व चीमुटभर मीठ घालून मंद आचेवर ठेवावे. गँस बंद करून खीर एका वाटीत घेऊन गरमागरम खाण्यासाठी तयार.