بسم الله على بركة الله نبدأ :في قصعة نحط الحليب والماء الدافي نضيف السكر والزيت والفانيلا ومبشور الليمون والبيض ونخلط جيداً نضيف الخميرة لي تكون تفاعلت ثم نضيف توابل الكعك

نخلط جيداً حتى نتحصل على خليط متجانس نبقى نضيف في الفرينة والخميرة الكيميائيةحتى نتحصل على عجينة طرية وتتلاصق نغطيها ببلاستيك غذائي ونخليها تختمر في مكان دافئ. نهبطلها الخمور وندهنها بالزيت ونتركه تختمر مرة أخرى، هذه المرة ننزع كريات من العجينة بدون ما نهبطلها الخمور ونشكل حرابيل ونعمل خطوط بالسكين فالطرف لنشكل حبات الكعك ونتركها تختمر ثم ندهنهم بالصفار والقليل من الحليب وماء الزهر ونرش الجلجلان وندخلها الفرن حتى تطيب اي تستوي ونقدمها وشهية طيبة

ملاحظة: لي يحب نكهة الماء زهر فالكعك يقدر فالأول يحط كأس نصه ماء ونصه ماء الزهر مع كأس حليب