كوسا مع فاصولياء خضراء اكلة حلبية
اكلة حلبية تعلمتها من حماتي الله يعطيها الصحة اسمها عندهم بحلب كوسا بعب الفاصولياء طيبة كتير جربوها
كوسا مع فاصولياء خضراء اكلة حلبية
اكلة حلبية تعلمتها من حماتي الله يعطيها الصحة اسمها عندهم بحلب كوسا بعب الفاصولياء طيبة كتير جربوها
إفتح في تطبيق كوكبادالخطوات
- 1
نبدأ بحفر الكوسا بالطريقة المعتادة،
- 2
بكون منظفة الفاصولياء بعد تقطيعها كمان بالطريقة المعتادة كل حبة بعد ما اشيل الراس بقسمها حسب الطول اما الى 3 او 4 قسم
- 3
بجيب اللحمة راس عصفور بنزل بالطنجرة زيت زيتون او زيت نباتي المتوفر بنزل عليه الثوم المدقوق والكزبرة هون بتكون النار هادية بنزل اللحمة وبحركها مع الثوم وبغطيها ربع ساعة لتنزل اللحمة ميتها
- 4
بتركها على نار هادية وبغطيها
- 5
هون بحضر حشوة الكوسا بجيب الرز الحبة القصيرة المغسول ومنقوع شغلة ساعة بنزل عليه اللحمة والزيت وصلصة البندورة والملح والفلفل والبهارات بحرك كتير منيح
- 6
ببلش احشي الكوسا وبترك عقدة اصبع في حبة الكوسا عشان اعمل حساب بالطبخ راح تنفش حبة الكوسا
- 7
هون برجع للحمة بنزل عليها الفاصولياء وبحركهم منيح مع بعض وبتركها كمان تنزل ميتها
- 8
بتركها تغلي مع اللحمة شغلة نص ساعة
- 9
هون بحضر لمرقة اللحمة والفاصولياء بقشر البندورة وبالخلاط بعصرها بضيف عليها صلصة البندورة والسكر لتعديل الحموضة والملح والماء الساخن
- 10
بطنجرة تانية بجيب الفاصولياء واللحمة بحط جزء منها بقاع الطنجرة بعدين بنزل الكوسا وفوق الكوسا بنزل باقي الفاصولياء واللحمة بعدين بنزل المرقة بحاول الماء ما تكون كتيرة تغمر على اد الفاصولياء لانها راح تنزل ماء
- 11
بغطيها وبتركها بدها شغلة ساعة على النار الى ساعة ونص
- 12
بعد ما يستوي بطلع الكوسا لوحدها والفاصولياء لوحدها ممكن تاكلها بخبز او رز جانبها وقدمت جانبها بصل اخضر وفلفل اخضر وصحتين وعافية
كلمات ذات صلة
وصفات مشابهة
وصفات ننصحك بمشاهدتها
التعليقات