نقسم الجينواز الى 3 طبقات ونجيب الطبقة الاولى ونشربها بالسيرو (نحط السكر والماء فوق نار حتى يغلي ونحسب 10 دقيقة ونطفي عليه ونضيفلو الفانيليا نخليه حتى يبرد تماما ونستعملو) نخليه يتشرب حوالى دقيقة ثم نضيف كمية من الكريمة (نطلع الشانتيه والحليب مع شوكولاته للطلي جيداً حتى نتحصل على كريمة متجانسة) و نمشيها فوق طبقة الجينواز ونضيفلها الجوز وشوكولاته للطلي ونحط الطبقة الثانية من الجينواز نشربها ونكرر نفس العملية حتى نكمل كامل الطبقات

نغلف الكيكة بالكريمة ثم نحددها بالسكين كما موضح في الصورة من بعد نقسم الاطراف السفلية لي عالجنب ونحطها من فوق (كما في الصورة) نتحصل على قلب ندخلها للمجمد نصف ساعة

ثم نخرجها ونملسها جيداً على الاطراف ونرجعها للثلاجة، نحضر القناش في كسرونة نحط الكريمة تسخن حتى درجة الغليان ثم نطفي عليها ونضيفلها الشوكولاتة بعد ما نكون قطعتها الى قطع صغيرة ونحرك جيداً حتى تذوب نضيف الزبدة ونخلط جيداً حتى يتجانس الخليط نخليه يبرد قليلا ونحطو فوق الكيكة نخليه يتماسك ونزينها على حسب الرغبة 😌