نبدا اولا بتحضير الكيك نجيب ريسبسيون نحط فيه البيض والفانيلا ونطلعهم مليح ثم نضيف السكر تدريحيا ونخلط حتى يبياض الخليط ثم نضيف الزيت ونضيف هذاك الحليب لي لازم نحطولو 2م ك خل قبل مانبدو نخلطو الكيك ونواصل الخلط ثم نضيف الكاكاو والفرينة والخميرة ةنخلط مليح

ونجيب سينية تدخل الفرن نفرغ فيها الخليط تاعي وندخلها الفرن تطيب وبعد ذلك نخرجها ونخليها على جنب

نحضر الان صوص الشكولا نجيب خلاط انا كيلت بكاس شاي صغير نحط الشانتي والسكر والزيت والماء ونبدا نطلعهم مليح ونضيف شكولا الطلي ونخليها غلى جنب

الخطوة التالية قصيت من السينية الجزء لي جاني مش عالي وفتتو وجبت السينية تاعي وحطيت كمية مليحة من صوص الشكولا وسويتها مليح ثم جبت هذاك الفتات وحطيتو فوق الصوص ودخلتها الثلاجة اكثر من ساعة حتى تتماسك مليح

فالاخير نخرجها من الثلاجة ونقصها مربعات ونحطها في صحن

شكل الحلوى تاعي جات خفيفة وعالية وذوق روعة