ثم
عندي في المقادير حوالي كيلة الا ربع ماء و ماء الزهر
نأخذ منها نصف كيلة الماء و ماء الزهر لي عندي نضيفها تدريجيا للعجين
و نخلط و نحك جيداً بكف اليدين لمدة ربع ساعة حتى يولي الخليط مثل الرمل المشمخ يتماسك في قبضة اليد ثم يتفتح.
نضع الخليط في كيس بلاستيكي و نغلق عليه لمدة ليلة كاملة. من 12 ساعة الى 24 ساعة.

في الغد نضيف عليها ربع الكيلة تاع السمن الذائب ساخن ندخلو مليح في الخليط ثم.
نأخذ كمية الماء و ماء الزهر المتبقية لي هي ربع الكيلة و نضيفها تدريجيا على الخليط مع الخلط باستمرار بين الأيدي لمدة 15 دقيقة.
حتى نتحصل على عجين معلك. لازم السكر يذوب تماما.

نأخذ صينية تاع المنيوم من الأحسن ندهنها بالزيت نبسط عليها العجينة و نسوي السطح بواسطة coupe pâte أو ملعقة مشمخة.
نطراسي الحبات و نحط حبات كاوكاو بالقشور.
ندهن السطح بملعقة كبيرة سمن ذائب

🌟 الصينية المناسبة لهذه الكمية :
إما دائرية قطرها من 25 سم الى 30 سم
أو مستطيلة طولها 30 سم و عرضها 25 سم

ندخلها لفرن مسخن على 180 درجة الى 200 درجة مئوية نطيبها من الاسفل حتى تتحمر الاطراف جيداً.
ثم نطفي من الاسفل و نشعل من الأعلى حتى تتحمر جيداً.
و نخرجها من الفرن و هي ساخنة نسقيها بشربات باردة.
و ندخلها لفرن طافي تكمل تتشرب.
كي يبرد الفرن و تبرد صينية القلب اللوز تماما نخرجها و نخليها على حرارة الغرفة.
كي تبرد تماما نخليها تبات ليلة كاملة.
ثم نقطعها و نقدمها.

قلب اللوز هاذا رائع 😍 طري معسل للقلب و يذوووب 🌟 شوفو الطراوة ❤
ممكن نحشيه بمكسرات مكسرة في الوسط بدون إضافات لمحبي البنة 😍

شهية طيبة 💝🤍