اول شيء نكيل ثلث كيلات سميد و نغربلهم و نضيف لملح حسب لخليط و نزيد نكيل كيلة سمن غير ممتلئلة و نكمل نعمرها بزيت و نبدا نخلط حتى يتبسس كامل السميد ملييح.

منبعد الى بغيتي تخليه يرتاح خليه و الى حا طيبي في نفس لوقت ضيفيلو لماء بشوي و خلطي و لمي حتى تتحصلي على عجينة قاسحة على تاع رخساس. من بعد قسمي العجين لزوج قرصات و على اساس لقرصة ديري لغرس بحيث قرصة لغرس تكون قد قرصة لعجينة.

نضرب لقرصة لولة تاع لعجينة شوي و نزيد نضرب تاع الغرس فوق نيلو و نحطها فوق لقرصة لولة ؛ نزيد نضرب لقرصة ثانية فوق نيلو شوي و نحطها فوقهم نسقمها و نساوي بيناتهم منبعد نبدا نضربهم كامل حتى نتحصل على طبقة متوسطة ما رقيقة ما خشينة.

و نبدا نقطع الحبات تاعي و نطيبهم فوق طاوة (طاجين سمن) و بصحة و راحة 😊