في إناء نحط سميد والفرينة ندير الملح ومغرف كبيرة سكر نخلطهم نضيف الزبدة الذائبة والزيت نبسسهم مليح ونخليهم يرتاحو

من جهة نوجد الغرس تاعي نضيفلو زبدة وماء الزهر ونعجنو مليح حتى يولي طري

نرجع للعجينة تاعي نلمها بلحليب دافئ ونقسمها على اثنين

نبسط العجينة الأولى ومن جهة أخرى نبسط الغرس تاعي ونحطو فوق العجينة الأولى

نزيد نبسط العجينة الثانية ونحطها فوق الغرس

نبسطها مليح ونطبعها بالطابع إذا معندكش طابع استعملي الموس

في الأخير نطيبهم فوق طاجين ولا مقلة خشينة ونخليهم يبردو