بس الله:
اولا نجيب السلق نغسلو جيداً ونديرو يفور

في هذه الاثناء نرحي دجاج ونتبلو ملح+فلفل اسود+كمون+زنجبيل+كزبرة+سنة ثوم+تحبو تضيفو الارز يجي احلى واحلى انا مدرتش اكتفيت بالدجاج برك نرحيه مليح ونخليه بجيه

بعدما يفور السلق نطرح ورقة السلق ونحط الحشو في الجانب ونرولي لي البوراك نواصل العملية حتى نخلص كامل اوىاق السلق

ثم نجيب بيضة نخفقها جيداً ونضع فيها السلق لي حشيناه وثم نديرها في الخبز المرحي ونقليه على نار متوسطة باش يطيب دجاج من داخل وكي تحمر نحيه ونحطو في ورق الماص باش يشرب كامل الزيت الزائد

ثم نحضر صلصلة الطماطم؛:
في مقلاة نضيف 2ملاعق زيت وسنة او اثنان ثوم ونقليها في الزيت ونضيف نصف ملعقة طماطم مصبرة نقلي جيداً ثم نضيف حبو طماطم مرابية نحرك جيداً ونخليها يطبو على نار هادئة حتى توجد الصلصة

بعدما توجد الصلصة نفرغها في بلا لي يدخل للفرن ونضيف فوقها البطاطا لي كنا قليناها دوائر ثم نستف سبيعات السلق لي قليناه ونضيفلو من فوق فرماج (جبنة) رابي وندخلو للفرن حتى يذوف الفرماج ونخرجو