اولا نفور الجلبانة مع شوية ملح ونخليها شادة روحها مانطيبهاش ياسر
في مقلاة على النار نضع الزبدة والزيت ثم نضع البصل مقطع ونقليه مليح بعدها نضيف اللحم المفروم ونقليه جيدا

بعدها نضيف الجلبانة بعدما طابت ونخليها تتحمص مليح ثم نضيف التوابل ونخلطهم مليح ضروري نحمص كلشي مليح ثم نفرغها في صحن كبير ونضيف المعدنوس وبطاطا قطعتها مكعبات وقليتها ونقطعلها مثلثات جبن اختياري

نروحو نحضرو صلصة البيشاميل:
في طنجرة على النار نضع الزبدة ونذوبها ثم نضيف البصل الاخضر مقطع رقيق ونحمصو ملييييح ثم نضيف المعدنوس وكذلك نحمصو مليح بعدها نضيف الفرينة ونحمصها جيدا حتى طيب

ثم نضيف الحليب الساخن بالتدريج مع التحريك بعدها نضيف التوابل والملح ونحرك حتى نتحصل على صلصة ثقيلة نوعا ما ثم نضيف الجبن ونحرك حتى يذوب ونطفي النار

في صحن بايركس نضع طبقة خفيفة من الصلصة ثم طبقة من الجلبانة ونوزع عليها قليل من الصلصة ثم نغطيها بطبقة أخرى من الجلبانة

ونوزع عليها باقي الصلصة حتى نغطيها كلها ونزينها بالجبن المبشور ورشة فلفل عكري وندخلها الفرن