بسم الله و الصلاة و السلام على رسول الله صلى الله عليه و سلم.

في إناء ندير السميد ونذوب السمن ونكيل الكيلة الا إصبع ونكملها زيت ونبسس السميد مليح ونخليه يرتاح مدة ساعة أو أقل.

نروح نوجد عقدة الكوكاو نخلط السكر والكوكاو والقرفة والزبدة ونعجنهم بالماء الزهر تدريجيا حتى نتحصل على عجينة متماسكة ونزيد نفس الشي نعجن الغرس والزبدة ونطريه بماء الزهر.

نبدا نخدم حربوش ونفتحو في الوسط ونديرلو الحشو تاع الكوكاو ونغلق ونرش عليه السميد لي نحيتو من قبل كيما في الصورة ونقطعو مقرودات.

نعاود نفس الشيء مع الحشو تاع الغرس ولكن الحربوش يجي ارقق شوية وننقشو بالنقاش ، نقليهم على نار متوسطة ومباشرة في العسل بارد ، في وقت التقديم نزيدو نعسلوهم باش يعطونا هداك البريق.