सुमधुर मठ्ठा (Mattha Recipe In Marathi)
#SSR
उन्हाळ्यातली लग्न...मेन्यूमध्ये मसालेभात,बटाट्याची भाजी,भजी,काकडी कोशिंबीर, जिलेबी आणि "मठ्ठा"!येणारे पाहुणे कितीही असोत शेवटच्या माणसापर्यंत मठ्ठा पुरवायचे काम आचाऱ्याचे!भलं मोठं पिंप...त्यात दही घुसळलेलं ताक,बर्फाची लादी,आलं-मिरची वाटण,मीठ,साखर, आणि बारीक चिरलेली कोथिंबीर.... प्रत्येक पंक्तीत मोठ्याश्या ओगराळ्याने वाटीत मठ्ठा वाढलेला....मस्त पाकात मुरलेली केशरयुक्त जिलेबी मठ्ठ्याबरोबर खाणं म्हणजे जिव्हातृप्ती...आत्मा थंड!कितीही करायचं म्हणलं तरी या तमाम आचाऱ्यांसारखा मठ्ठा मात्र जमायला फार तपश्चर्या लागते!दिसायला साधासाच पांढरा शुभ्र मधेमधे कोथिंबिरीची हिरवी पखरण... मठ्ठ्याची ती गोडी,तो आंबटपणा,बेताचंच खारट,थंडगार,नुसतं वासापुरतं आलं पण चव मात्र मेंदूपर्यंत जाणारी...अधेमधे येणारी कोथिंबिरीची पानं थोडीशी चावून खाणं...आणि असा मठ्ठा वाट्यांवर वाट्या रिचवणं,यानेच तहान भागवणं हे खरं उन्हाळ्यातलं सुख!पेशवेकाळापासून मठ्ठ्याचा उल्लेख सापडतो...खरं म्हणजे ताक हे क्षुधाशांती करणारं,अन्नपचनास मदत करणारं....अगदी पंक्तीतच हवं असं काही नाही...दुधाच्या दह्याचा मठ्ठ्याइतका बहुगुणी पदार्थ उन्हाळ्यात तर करायलाच हवा...घरी बनवलेला.जीरेपूड वगैरे टेस्टएनहान्सर म्हणूनही वापरु शकतो...तरीही मला मात्र तो आचाऱ्यांचाच मठ्ठा भारी आवडतो...फारसं नटवणं नसतं तरी ती भन्नाट चव उन्हाची काहिली शमवते हे मात्र खरं!
आजचा हा माझा प्रयत्न घरीच मठ्ठा बनवण्याचा!👍जमलाय आई तुला...अशी पावती मिळालीये...बघा तुम्हीपण चव घेऊन,🤗
😋😋🌱☘️🥛☘️🌱
सुमधुर मठ्ठा (Mattha Recipe In Marathi)
#SSR
उन्हाळ्यातली लग्न...मेन्यूमध्ये मसालेभात,बटाट्याची भाजी,भजी,काकडी कोशिंबीर, जिलेबी आणि "मठ्ठा"!येणारे पाहुणे कितीही असोत शेवटच्या माणसापर्यंत मठ्ठा पुरवायचे काम आचाऱ्याचे!भलं मोठं पिंप...त्यात दही घुसळलेलं ताक,बर्फाची लादी,आलं-मिरची वाटण,मीठ,साखर, आणि बारीक चिरलेली कोथिंबीर.... प्रत्येक पंक्तीत मोठ्याश्या ओगराळ्याने वाटीत मठ्ठा वाढलेला....मस्त पाकात मुरलेली केशरयुक्त जिलेबी मठ्ठ्याबरोबर खाणं म्हणजे जिव्हातृप्ती...आत्मा थंड!कितीही करायचं म्हणलं तरी या तमाम आचाऱ्यांसारखा मठ्ठा मात्र जमायला फार तपश्चर्या लागते!दिसायला साधासाच पांढरा शुभ्र मधेमधे कोथिंबिरीची हिरवी पखरण... मठ्ठ्याची ती गोडी,तो आंबटपणा,बेताचंच खारट,थंडगार,नुसतं वासापुरतं आलं पण चव मात्र मेंदूपर्यंत जाणारी...अधेमधे येणारी कोथिंबिरीची पानं थोडीशी चावून खाणं...आणि असा मठ्ठा वाट्यांवर वाट्या रिचवणं,यानेच तहान भागवणं हे खरं उन्हाळ्यातलं सुख!पेशवेकाळापासून मठ्ठ्याचा उल्लेख सापडतो...खरं म्हणजे ताक हे क्षुधाशांती करणारं,अन्नपचनास मदत करणारं....अगदी पंक्तीतच हवं असं काही नाही...दुधाच्या दह्याचा मठ्ठ्याइतका बहुगुणी पदार्थ उन्हाळ्यात तर करायलाच हवा...घरी बनवलेला.जीरेपूड वगैरे टेस्टएनहान्सर म्हणूनही वापरु शकतो...तरीही मला मात्र तो आचाऱ्यांचाच मठ्ठा भारी आवडतो...फारसं नटवणं नसतं तरी ती भन्नाट चव उन्हाची काहिली शमवते हे मात्र खरं!
आजचा हा माझा प्रयत्न घरीच मठ्ठा बनवण्याचा!👍जमलाय आई तुला...अशी पावती मिळालीये...बघा तुम्हीपण चव घेऊन,🤗
😋😋🌱☘️🥛☘️🌱
अॅपमध्ये उघडाकुकिंग सूचना
- 1
घरीच अर्धा लीटर दुधाला विरजण लावून केलेल्या दह्याचे ताक वापरले आहे.सर्व पूर्वतयारी करुन घ्यावी.जीरे रगड्यात बारीक कुटुन पावडर बनवावी.जीरेपूड ताजी असली की वासही चांगला लागतो.आले किसून पिळून रस ताकात घालावा.
- 2
आल्याचा चोथा,मिरची,कोथिंबीर त्याच रगड्यात अगदी बारीक वाटून घ्यावे.चवीनुसार साखर मीठ घालावे.
- 3
वाटलेली आलंमिरची, कोथिंबर,हिंगाची कणी घालून मठ्ठा डावाने ढवळावा.
- 4
बर्फाचे क्युब्ज थंडावा वाढण्यासाठी घालावे.मठ्ठा तयार आहे.जेवणामध्ये किंवा जेवणानंतर सर्व्ह करावा थंडगार मठ्ठा!👍
कूकस्नप्स
Similar Recipes
More Recipes
टिप्पण्या