إفتح في تطبيق كوكبادالخطوات
- 1
في قصعة نحط فرينة و سمن و نخلط مليح ما بين يديا مليح ثم نزيد قرصة ملح و نبل بما و ماء ورد حتى تكون عجينة لينة و نخليها ترتاح و حد نصف ساعة او اكثر
- 2
في هذا الوقت نحضر الحشو تاعنا 3 كيلات لوز و جوز و كيلة سكر و نبخ بماء ورد حتى يتشمخ معانا موش يتعجن يتنقل برك
- 3
كي ترتاح عجينة تاعنا نعجنها بدون تقطاع و نقسمها على سبع كريات و زوج كريات يكونو كبار على 5كريات الباقية نخليها ترتاح وحد ربع ساعة
- 4
نبدأ بكرية الاولى كبيرة نطرحها رقيقة بزاف
- 5
في بلاطو ندهنو بسمن مليح و نحط لعجينة تاعي
- 6
نزيد نطرح كرية صغيرة كيما الاولى رقيقة ندهن لعجينة لي فالبلاطو و نحط فوقها الثانية و نزيد ندهن سطح و نطرح الثالثة ونحطها فوقهم و ندهن بالسمن و نزيد الرابعة نطرحها و نحطها بصح ما ندخنش سطح
- 7
نهز الحشو تاعنا و نوزعو على كامل البلاطو
- 8
من بعد نطرح كرة الخامسة و نحطها فوق لحشو و ندهن بالسمن و نزيد كرة السادسة و نحطها و ندهن بالسمن ونزيد الكرة السابع الكبيرة نطرحها و نحطها و نقص الحواف
- 9
من بعد نقص البقلاوة تاعنا انا قصيتها مربعات و نرشقها بالوز
- 10
ندهنا بالسمن و ندخلها للفرن طيب من تحت و من بعد من فوق حتى تحمار ونخرجها
- 11
كي نخرجها وهي سخونة نعسلها مرة أولى حتى تشرب و نزيدلها حتى تتعسل
كلمات ذات صلة
وصفات مشابهة
وصفات ننصحك بمشاهدتها
التعليقات