بلح الشام
بلح الشام ده طبعا محدش يقدر يقاومه
انا عن نفسي بحبه هو الزلابية و الحلويات الشرقى عموما .. بحبهم ساقعين
و دخلت ف جدالات مع ناس كتير انه يابنتى ازااااى .. الحاجات دى ماتتاكلش ساقعه وانا اقولهم ياجماعه ده مش قران ودى اذواق و بردو مفيش فايدة
انتو بقا و ذوقكم تاكلوه ساقع بارد سخن.. انتو و مزاجكو
يللا عالطريقة
بلح الشام
بلح الشام ده طبعا محدش يقدر يقاومه
انا عن نفسي بحبه هو الزلابية و الحلويات الشرقى عموما .. بحبهم ساقعين
و دخلت ف جدالات مع ناس كتير انه يابنتى ازااااى .. الحاجات دى ماتتاكلش ساقعه وانا اقولهم ياجماعه ده مش قران ودى اذواق و بردو مفيش فايدة
انتو بقا و ذوقكم تاكلوه ساقع بارد سخن.. انتو و مزاجكو
يللا عالطريقة
إفتح في تطبيق كوكبادالخطوات
- 1
اول حاجة بنحط المية مع الزيت عالنار
- 2
يسخنوا نضيف الدقيق اللى ضيفناله كل المكونات الجافة و قلبناها فيه حلو لضمان الانسجام.. بنضيفه تدريجي مع التقليب بحاجة متينة عشان كسرت اسباتيولا قبل كده وانا بقلبه :d
- 3
بعد ماتجانس كويس نضيف بيضه بيضه و نقلبها حلو جدا و خلاص نرفعه من عالنار اول مانبدأ اضافة البيض
- 4
بنضيف البيضه التانية بعد ما البيضه اللى قبلها تكون خلاص اختفت جوة العجينة و هكذا لحد مانخلص البيض
- 5
على زيت بااارد لسة ماولعناش عليه.. ايوة لسة ماولعناش عليه نحط كل الكمية بالقمع او كيس الحلوانى اللى فتحته تكون تخينة علشان عجينة بلح الشام هاتكتشفى بنفسك انها سميكة و الكيس ابو 2 جنيه و نص ده مش هاينفع نهائيا :d
- 6
احنا بنات زى بعض يعنى و بقولك اهو بلاش الرخيص فى بلح الشام :d
- 7
خلصتى الكمية ولعى النار و سيبيه لحد مايتحول من عجينة لبلح شام لسة لونه اصفر بس مسك نفسه و بقا سهل التقليب و مقرمش سنة و قلبيه علشان اللون يكون موحد الى حد ما
- 8
زى ده كده و طلعيه يتصفى و يبرد و الخطوة دى هاتخليه يحتفظ بقرمشته لما يتقلى تانى.. و كذلك اى حاجة تحبيها مقرمشه بطاطس زلابية اى حاجة عايزاها تقرمش اقليها على مرتين
- 9
بعد كده حطيه تانى على زيت سخن بقا المرة دى يادوب ياخد اللون اللى تحبيه و ده هايحصل بسرعه
- 10
طلعيه يتصفى من الزيت يادوب ثوانى و هوب على شربات ساقع تقيل و قلبيه شوية و صفيه من الشربات و قدميه و بألف هنا و شفا على قلوبكم سواء ساقع او سخن :d
الكوكسناب
Keywords
وصفات مشابهة
وصفات ننصحك بمشاهدتها
التعليقات (2)