مسمن جزائري 👌👌💯💯
إفتح في تطبيق كوكبادالخطوات
- 1
نحط المكونات في قصعة عدا الزبدة و نخلطهم و نبدا نضيف الماء و نخلط و نعجن حتى تولي تطرطق و تكون طرية مليح و نحطها في اناءو نغطيلها نخليها ترتاح عل اقل ساعة.
- 2
بعدما ترتاح نقرصها لقرصات كبيرة على تاع رقاق و نخليهم يرتاحو مليح
- 3
كي يرتاحو ندهن طاولة العمل بزيت و نحل لقرصة تاعي مليح تكون كبيرة و نجيب زبدة ذوبتها شوي و ندهن بيها مبعد رشها بسميد و نطويها (نجيب جانب الايسر اولا ندير فوقو شوي زبدة و رش بسميد و نزيد نجيب الجانب الايمن و نزيد زبدة و رش بسميد و نبدا نطويه من فوق و نهبط يمدلي شكل مستطيل) و نخليه ترتاح و نزيد نخدم وحدة اخرى.
- 4
في هاذي الاثناء نكون حطيت طاجين لمسمن فوق نار هادئة. كي ترتاح لحبة تاعي نفتحها شوي على شكل مربع او مستطيل و نحطها فوق طاجين و نمشيها شوي و نطيبها تجي محمرة الله الله.
- 5
نكمل لكامل حبات هكا و نحطهم في سنيوة او صحن و نزيد معاهم لبن و تمر و بصحة و راحة ولي حب يتقهوى بيها عليه و على كونفيتور و كاس حليب سخون اممممه بننة ان شاء ينال اعجابكم (ملااااحظة : خميرة لخبز تقدرو تستغنو عليها في هاذ سخانة من الافضل مديروهاش بسك تخمر لعجينة تقول مطلوع 😅) عذرا مصورتش كل لمراحل مكانش شكون يصورلي 😁
- 6
كمية هاذي خرجتلي 17 حبة مسمن.
الكوكسناب
Keywords
وصفات مشابهة
وصفات ننصحك بمشاهدتها
التعليقات (16)