فوح اللحم (نفوح اللحم ونشيل الزفر ، ونضيف حبةمقطعة كل من : جزر و فلفل رومي و عصره ليمون وليمون و بصل و ثوم و فلفل حار حبه ، وايضا نضيف بهارات العدله ( دارسين و ورق غار و فلفل اسود و مسمار وجوز الطيب) وايضا بهار بودر (ملعقة صغيرة كركم كمون كزبره ليمون اسود و فلفل اسود ، اشوي دارسين و كاري)

واضيف مكعبين ماجي لحم ، على نار عاليه لما يقلب الماء نخفف على النار هادئة لمده ٢ ساعة (انا احب اللحم طري جداً) لاتنسون الملح نضيفه بعد استواء اللحم

وبعدين نضيف النخي والبهارات عباره عن (هيل و كمون و كركم و دارسين) ونضيف ملح وسكر بالتساوي وحسب رغبتكم وبعدين نضيف ماء الزعفران واخر شي الزيت

الحشو : نحتاج الى ربع كوب نخي ويكون منقوع او مفيوح ، ٣ حبات بصل مقطع مكعبات صغار ، منقوع الماء مع الزعفران ، ملح مع سكر ، ونقوم بحمس البصل من غير زيت عشان يطلع الماء منه ونضيف ماء عادي عشان لا يحترق ويكون اللون مكرمل

وبنفس الجدر نضيف زيت اشوي وبطاطا وبصل وماء الزعفران اشوي ونضيف العيش كله ونحط فوقه منقوع الزعفران مع اشويه هيل ونخليه ٣ دق نار عاليه الى ٥ دق وبعدين نخفف عليه ونخليه لمده ٣٠دق.

العيش : لما يستوي اللحم نشيله على جنب وناخذ الماء اللحم وبعد تصفيته ، ونضع العيش بالماء حتى يصل للمستوى الاستواء اللي تبونه ونشخله

اللحم : في ناس تقلي اللحم ، انا ما اقليه بس احمره بالفرن ، وارش على اللحم هيل بودر ودارسين وماء زعفران وارش عليه بخاخ زبدة واخليه بالفرن على نار من فوق وايضا من تحت ، ولما يوصل للون اللي تبونه تالي تسكرونه

التقديم : ننجب العيش بالصحن ونتالي نطلع الحكوك (البطاطا مع البصل) يكون فوق العيش وبعدين نحط اللحم والحشو على الشكل اللي تحبونه

عليكم بالف عافيه