نشوي الفلفل الحلو ونقشرو ونحط على جنب
ومن جهة نطيب نصف صدر دجاج في مرقة بيضاء مع توابل و مكعب جومبو دجاج ونخليها تخثار ونطفي عليها

ومن جهة أخرى نطيب الارز كأس ارز مع زوج كيسان ماء مع ملح فلفل اسود
وبعدها نجيب هذاك الصدر تاع الدجاج ونفتو ونخلطو مع الارز وفرماج الطلي يكون طري وكرام فراش إذا كان متوفر (اختياري)و ملح وفلفل اسود ونحشي الفلفل ونغطسو فالبيض ثم فالشابلير ثم نقليه

ومن بعد نجيب مول تاع فرن ونستف ونصب فوقو كأس كبير ولازوج تاع لاصوص اللي طيبت فيها الصدر تاع الدجاج و ندخلو للفرن حتى ينشف
وشهية طيبة🌹🌹🌹🌼🌼