إفتح في تطبيق كوكبادالخطوات
- 1
في حلة فيها (مياه + عصير ليمونة + ملعقتين زيت) هننزل بالورق لمدة دقيقة ونص او دقيقتين.. ونخرجه يتصفي..
- 2
نجهز الخلطة :
ف حلة هنضيف (السمن والزيت).. وتلتين كمية البصل ونشيل التلت الباقي علي جنب …قبل ما البصل ياخد لون هننزل ب(ملعقتين الصلصة وعليهم نص ملعقة صغيرة سكر) ونقلب..
- 3
نضيف (الطماطم عصير ب اقل كمية مياه) وبعدين التوابل (ملعقة صغيرة ملح + ملعقة صغيرة كمون + ملعقة صغيرة كسبرة + نص ملعقة فلفل اسود + نص ملعقة سبع بهارات).. ونقلب ونسيبها علي نار هادية تتسبك.. بعد ما تتسبك هنطفي النار ونسيبها تبرد
- 4
هنقطع الخضرة (كسبرة + شبت + بقدونس) ونضيفها للصلصة ونقلب كويس
- 5
نضيف (الأرز) ونقلب.. وبعدين هنضيف تاني نفس كمية البهارات اللي ضفناها للصلصة بس المرة دي اختياري ممكن نزود ملعقة صغيرة شطة هندي.. هنضيف (ملعقة صغيرة ملح + ملعقة صغيرة كمون + ملعقة صغيرة كسبرة + نص ملعقة فلفل اسود + نص ملعقة سبع بهارات).. وبعدين نضيف (تلت كمية البصل اللي سبناها ف الاول) ونقلب كويس
هنضيف زيت زيتون ودبس رمان اختياري ❤️ ودي اخر خطوة قبل الحشو
- 6
خلطتنا جاهزة.. ورقنا مسلوق.. نبدأ رحلة الكفاح 🤭
- 7
دي خطوات لف ورق العنب..
1️⃣2️⃣3️⃣
- 8
4️⃣5️⃣6️⃣
وخلصنا.. وهكذا
- 9
نكمل الحله.. وبعدين نضيف (شرائح الليمون).. وبعدين (كوب الشوربة وهنضيفله ملعقة صغيرة صلصة + ملعقة صغيرة شطة اختياري + نص ملعقة صغيرة كمون) ونضيفها لورق العنب
وشوية دبس رمان
- 10
نسويه علي نار عادية لمدة ١٠ دقائق وبعدين ننقله علي نار هادية لحد ما يستوي ❤️ جربوه بالطريقة دي هتفرق جداً ف الطعم
وصفات مشابهة
وصفات ننصحك بمشاهدتها
التعليقات