نبدأ على بركة الله، أولا نوزن المقادير حسب الوصفة باش نسهل على روحي المهمة.
ملاحظة مهمة: الوصفة فيها محسن الخبز أنا مكانش عندي، بدون محسن تنجح الوصفة.

في إناء حطيت البيض ضربتو شويــة مـع رشـة الملـح وعطــر الزبــدة وبـديت نضيف السكر بالتدريج مع الخلط المستمر بالباتور (الضراب الكهربائي) ثم ضفت الزيت بالتدريج مع الخفق المستمر، ثم ضفت كذلك الحليب بالتدريج.

غربلت الفرينة مع الخميرة الكيميائية وضفتها على الخليط ندخلها برفق وفي الأخير ضفت حبيبات الشكولا وخلطت حتى انسجمت المكونات.
ملاحظة: من أهم أسرار نجاح الموفان ما لازمش نحركو الخليط بزاف.

فرغت الخليط في الحاويات الورقية تقريبا 3/4 ومن فوق دردرت حبيبات الشكولا ودخلت الصينية للفرن المسخن مسبقا على درجة حرارة متوسطة مدة 20 دقيقة.

كي طاب حطيت حبات الموفان فوق مشبك وقدّمهم بألف صحة وهنا 😋💐😋

يجي خفيف وبنين ومعتدل في الحلاوة 👌🏻👌🏻

بعض من كتبي الخاصة بالطبخ 😊