कढईत तेल घालून त्यात मोठा चिरलेला कांदा घालून परतावे मग त्यात मोठ्या चिरलेल्या टोमॅटोच्या फोडी घालून परतून त्यात ओल्या खोबऱ्याचे तुकडे, दालचिनी, लवंग, मिरे आणि एक तमालपत्र घालून चांगले परतून घ्यावे. मग मिक्सर मधून थोडं पाणी घालून वाटून घ्यावे.

कढई मधे तेल गरम झाल्यावर त्यात वाटलेले मिश्रण घालून चांगले परतून घ्यावे मग त्यात जेवढा रस्सा हवा तेवढे पाणी घालून उकळी आणावी. बेसन पीठात मीठ, हळद, ओवा आणि पाणी घालून भज्यासारखे बॅटर बनवावे.

वाटणाच्या मिश्रणाला उकळी आल्यावरच बेसनाच्या बॅटरचे लहान लहान गोळे उकळत्या मिश्रणात सोडावे. (मिश्रण उकळले नसेल तर बेसनाच्या बॅटरचे गोळे सोडू नये नाही तर गोळे विरघळून जातील) बेसनाचे गोळे तरंगायला लागल्यावरच डुबुक वडे शिजलेले आहेत.