في وعاء نضع الحليب دافئ +الماء دافئ+الزيت+بيضة+خميرة الخبز+سكر+لملح ونخلط شوية ثم نضيف خميرة الحلوة ولفرينة ونطم لعجينة حتى نتحصل على عجينة طرية تتلصق في اليد وندلكها حوالي دقيقة ولا زوج دقايق ونغطيها ونخليها تريح

في كسرونة ندير حبة بصل صغيرة وشويا فلفل لكحل وشويا ملح ونطيب هذاك نص صدر تاع لجاج ومن بعد كي يطيب نحي لجاج هذاك ونفتو ومن بعد لمرقة لي بقات نحط فيها سلق لمغلي في الماء ومصفي ونحط لفرماج تاعنا ونذوبوه بالتحراك ونزيد نديرلهم الجاج هذاك لمفتت ونخليهم يغلو حتى ينشف هذاك لمرق ومن بعد كي ينشف نضيفلو لصوص بيشاميل ونخلطو

من بعد كي ريحت لعجينة نصف ساعة نجييب فرينة نرشها على طاولة العمل و نفتح لعجينة ونجيب لمول لي يدخل للفور مدور وندهنو بالزيت ونحط لعجينة داخلو ونسقمها ومن بعد نحلها زوائد ونتقبها بالفرشيطة في الوسط ومن بعد نخليها تريح شويا ومن بعد نرجع ليها ونحط الحشو تاعنا لداخل وندخلها طيب حتى يحمار لوجه تاعها وشهية طيبة