إفتح في تطبيق كوكبادالخطوات
- 1
في كسرونة نضع سميد و فرينة،ملح ونجمع بالماء نخليها شوية قاسية ونخليهل ترتاح حوالي ساعة،نرجع نعجنها مليح حتى تولي تطرطق مع إضافة الماء حسب الحاجة،نقرصها قرصات صغار وندهنهم بالزيت ونغطيهم ،ونخليهم يرتاحو،العجينة قد ماترتاح وساعدنا فالخدم
- 2
الصلصة:
بصلة رحيتها شوية خشان ونحط تتقلا في الزيت حتى تذبال ونضيف عليها الجزر مرحية نخليها تتقلا شوي ونضيف عليها جريوات (كوسا) مبشور ثوم فلفل حار أخضر و باذنجان مشوي و مقطع رقيق نقليهم مليح في الزيت حتى يذبالو ونضيف طماطم مرحية نحلها فشوية ماء و1/2ملعقة عكري ورشة فلفل أسود وكزبرة و رأس الحنوت و مكعب جنبو نخليهم يطيبوا مليح - 3
نحل أول كرية رقيقة بالزيت ونطويها ونحط الحشو لي لازم يكون بارد ونحط جبن مبشور ونغلقها ونحطها اطيب على نار قليلة غير تبدا تأخذ الطياب ندهنها دهنة خفيفة بالزيت ونقلبها وعندهم الوجه الأخر ونخليهم يطيبوا
- 4
نصيحة:عجينة المحاجب او المعارك ماتحبش أجي مطلوقة بزاف باه يجو خفاف وينتفخو فالطاجين ويجو مورقين لداخل وبصحتكم
كلمات ذات صلة
وصفات مشابهة
وصفات ننصحك بمشاهدتها
التعليقات (2)