نبدا بسم الله ونجيب صحن كبير نحط فيه البيض زرشة الملح والفانيلا ونخلطو مليح ثم نضيف كاس سكر ونواصل الخلط حتى يبياض الخليط تاعي

نضيف كاس زيت ومبشور ليمون ونواصل الخلط حتى يثقال الخليط ونبدا نضيف فالفرينة والخميرة الكيميايئة حتى نتحصل على عجينة طرية نوعا ما نلمها ونخليها ترتاح

نجيب سينية فرن ندهنها بالزيت ونشكل العحينة تاعي حربوش ونحلها باليد فالسينية حتى نكمل العجينة انا جاوني 5حرابيش ثم نجيب صفار بيضة نزيدلو م ص كاكاو بني ونخلط مليح الكروكي تاعي ثم نعمل خطوطو بالشوكة ونزينو بفارميسال شكولا وندخلو الفرن يطيب من تحت ثم نشعل عليه من فوق يتحمر

فالاخير نخرج الكروكي تاعي ونقسمو

شكل الكروكي تاعي جاء بزاف هشيش وبنين ذوق الليمون مليح لفطور الصباح او قهوة العصر