في بسينة نديرو الفرينة والسمن ولفاني ونخدموهم مليح حتى تتبسس الفرينةنديرو حفرة في وسط الفرينة نديرو حبة البيض وكمية من خليط الماء وماء الزهر ونخلطو مليح البيض ونطمو العجين بكمية الماء وماء الزهر نتحصلو على عجينة طرية نوعن ما

نبداو نفتحو فلعجينة بلكرية ونديرو الميزينة نفتحو بلوحدة نديرو مابين كل وحدة ميزينة نديرو لطبقة لتحتنيا 6 كريات نفتحوهم مليح حتى نتحصلو على طبقة عجين رقيقة نحو بلوحدة ونفرشو فسنيوة لي تكون مدهونة بسمن وما بين كل طبقة عجين نديرو السمن الذائب بلبانسو حتى نكملوهم بين ستة طبقة لخرا منديروش سمن ونديرو الكوكاو تعنا

نكملو الكريات الستة لي بقاو بنفس الطريقة الاولى ونديرو مبين كل طبقة سمن فطبقة الاخيرة لي هيا لوجه تاع البقلاوة منديروش السمن حتى نقطعوها بمسطرة او مول في كل حبة نزينوها بحبة لوز

من الفوق نفرغو كمية لباس بيها من السمن ونحو الزوائد
ندخلوها للفور طيب كي نشفو الجوانب حمارو نشعلولها ملفوق تتحمر وتاخض اللون الذهبي بعدما نخرجوها نعسلوها ونخلوها تشرب لعسل