نبدا بسم الله ونجيب ريسبسيون نحط فيه الكويس تاعي ونحط عليه علبة الياؤورت والملخ والزيت والفلفل الاسود والزنجبيل والعكري حلو ونخلط ثم نضيف م ك طماطم مصبرة ونخلط مليح ونغطيه ببلاستيك غذائي ونخليه مدة ساعة او اكثر

نجيب قدرة خاصة بالطهي فالفرن نحط فيها الكويس الي مارينيتو قبل ثم نقطع حبات البطاطا ونتبلها مليح فالخليط تاع الماريناد ونفرغها فوق الكويس ونحط عليه نصف كاس ماء ونغلقها بورق طهي ثم ورق المنيوم ونشعل الفرن مليح وندخلها تطيب مدةساعة ثم نجيب سينية فرن ونفرغ البطاطا تاعي والدجاج ونقص شرائح طماطم ومعدنوس مقطع

الخطوة التالية نرجع السينية تطيب ثم نشعللها من فوق يتحمر مليح وونخرجو ونبرش عليه جبن مبشور ونقدمو مع كسرة خميرة